O adeus de Éric aos Ouriciñ@s

A tradicional sesión de entrega de diplomas lectores & peche do Club de lectura "O Ourizo do Monte" coa lectura dunha carta de Éric dirixida aos Ouriciñ@s

Argallando...

Ola!

Son Éric! Non vos sorprende que permaneza tan caladiño sen dicirvos o que fixeron os ouriziños a semana pasada?... Co argalleiro que son! Pois só me deixan soprarvos que vai haber unha sorpresa de Nadal para todos os nosos amigos do Monte Neme...

Unha aperta con púas! E tamén de parte de Marc.

Éric

Páxinas marcadas con agarimo...

Para as nosas amizades, 

os 5 modelos diferentes de cartas con marca-páxinas recortables 

a imprimir polas dúas caras en formato A4.

Modelo 1 - parte dianteira  

Modelo 1 - parte traseira

Modelo 2 - parte dianteira

Modelo 2 - parte traseira

Modelo 3 - parte dianteira

Modelo 3 - parte traseira

Modelo 4 - parte dianteira

Modelo 4 - parte traseira

Modelo 5 - parte dianteira

Modelo 5 - parte traseira

Éric e os membros do Club

Marcando páxinas primaverais

Desvelamos a sorpresa que preparamos no Club para acompañar as lecturas durante as vacacións de Semana Santa: 

uns marca-páxinas

feitos por nós coas nosas frases persoais sobre a lectura.

Preparamos cinco modelos de cartas cos distintos modelos de marca-páxinas para repartirllos a todas as nosas amizades. 

Son recortables e impresos en cor para que cadaquén teña varios exemplares e para ler moito!

Os orixinais están expostos no corredor (diante da nosa Biblio)

Hoxe, estivemos repartindo o agasallo ós nosos compis polas aulas e compartindo a nosa labor e a nosa ilusión: 

Unha aperta!

A elegancia do ourizo - L'élégance du hérisson

Ola Membros do Club!

Chegou febreiro e estouvos moi ledo! Évos un mes cheo de actividades para espantar o frío, o tempo do amor co día da San Valentín e da troula e das larpeiradas co Entroido. Por iso, pensando un pouco nos disfraces, decidín amosarvos que, nesta vidiña, non todo é o que parece...

Este mes imos dedicalo ó libro que, dalgún xeito, apadriña ó noso club. Ben sabedes cal é xa:

“A elegancia do ourizo” 

da autora francesa Muriel Barbery.

Publicado en Francia no ano 2006 pola editorial Gallimard, convértese no éxito da temporada con máis dun millón de exemplares vendidos e 30 semanas no número 1 das vendas. Grazas a este éxito, foille adxudicado o Premio das Librerías (Prix des Libraires) francesas no 2007.

Vos xa sodes coñecedores do secreto que agachamos os meus familiares e máis eu, pero imos afondar e descubrilo literariamente. Tras a visita do profe Suso que xa nos falou de Tolstoi, un autor homenaxeado entre as liñas deste libro, imos comezar a ver a película “El erizo”, unha adaptación á pantalla do ano 2008 dirixida por Mona Achache. E tamén imos ir lendo e falando!

Feliz peli-lectura!

 Unha aperta do voso amigo

Éric

O ourizo máis elegante de toda a comarca de Bergantiños!